Pantun Banjar cinta kasih jenaka

Hallo sobat pembaca semua...terutama bubuhan banjar. Apa habar semuanya?Saya  mau berbagi posting pantun berbahasa banjar. Tapi..ini pantun menggunakan bahasa banjar versi Tembilahan. Jadi, bagi bubuhan yang merasa aneh atau merasa asing bahasa banjar yang saya gunakan ini, saya mohon maklum. Saya hanya keturunan banjar yang dulunya nenek moyang merantau dan menetap di Tembilahan.

BERBALAS PANTUN CINTA KAKANAKAN BANJAR

By Salasiah

Nyaman banar kulak sukun

Apa lagi dicampur awan nangka

Ading boleh kah abang batakun?

Naran ading sabujurnya siapa?

Dasar pang nyaman kulak sukun

Asal jangan dicampur wan uyah

Silahkan mun abang handak betakun

Sebujurnya naran aku salasiah

Meulah tapai pasti beragi

Tapai pulut selalu ditampa

Nah abang betakun lagi

Naran panggilan ading pank  siapa?

Meandak tapai di atas tangkun

Tangkun bukan sagan meandak jidar

Bang jangan talalu banyak takun

Kaina jadi muar aku mandangar

Menjuluk buah si buah kuini

Kuini gugur tatancap di paku

Jangan talalu sombong jadi bebini

Kalu ae kaina kadak laku

Hati-hati bajajak mun banyak paku

Apalagi licin bisa tagalincir

Nyaman muha nyambet kadak laku

Sambet haja abang yang telah menaksir

Amun takutan kalo tagalincir

Bagamat bajalan meumpati humbaya

Kalo abang bujuran menaksir

Hakun leh ading manarimanya?

Malukis di kanfas di tangah kota

Yang dilukis gedung babaris-baris

Jangan talalu lakas menyatakan cinta

Amun ditolak kalo manangis.

Banyak gedung babaris-baris

Dihitung ternyata jumlahnya lapan

Beh, kayapang abang manangis

Pepalingan GALAU batangah malaman